«Բոլորս էլ ինչ-որ կերպ ունակ ենք բարելավել ուրիշների առողջությունն ու կյանքը: Բայց դրա համար անհրաժեշտ է մշտական թիմային աշխատանք, վստահություն և կամավորական ոգի: Վստահ եմ, որ, համատեղելով մեր ջանքերը, կարող ենք նշանակալի փոփոխություններ իրականացնել, հատկապես՝ կառուցել և բարելավվել Հայաստանի առողջապահության համակարգի վիճակը, որի վրա նշանակալիորեն ազդել են վերջին տարիներին տեղի ունեցած որոշակի ճակատագրական իրադարձություններ։ Ակնհայտ է, որ առողջապահական համակարգի վիճակից է կախված
բնակչության կյանքը:
Հայաստանի առաջադեմ և անվտանգ առողջապահական համակարգը երաշխավորելու համար կան համագործակցության և AMADeA- ի մաս կազմելու բազմաթիվ եղանակներ: Միացե՛ք մեզ»

Սիրան Սիմոնյան

«Մեր պարտականությունն է՝ ներդնել բոլոր հնարավորությունները Հայաստանի առողջապահության համակարգի զարգացման համար: Մենք պետք է ձգտենք, որ Հայաստանի բոլոր քաղաքացիները ունենան որակյալ հանրային բուժօգնություն: Եթե բոլոր մասնագետներով համատեղ աշխատենք մեր երկիրն ամրապնդելու և զարգացնելու համար, ապա Հայաստանն ավելի ուժեղ կլինի: AMADeA- ն ստեղծվել է այդ նպատակով: Հիմա՝ առավել քան երբևէ, մենք պետք է միասին աշխատենք: Սփյուռքում ապրող հայերն ավելի քան ունակ են ներդնել՝ Հայաստանի մեր հայրենակիցներին, ընկերներին և ընտանիքին օգնելու համար, ովքեր օրըստօրե աշխատում են մեր հայրենիքի զարգացման համար: Դա ոչ միայն արմատների, այլ նաև մեր երեխաների ապագայի և սոցիալական արդարության հարցն է։»

Արթուր Շարլոյան

«AMADeA- ն ստեղծվել է 2020 թվականի դեկտեմբերին ՝ ի պատասխան հրատապ և կարևոր պահանջի․ ապագայում տեսնել մեր երկիրը՝ Հայաստանը, ավելի ուժեղ և զարգացած: Որպես առողջապահական անձնակազմ ՝ մենք կկենտրոնացնենք մեր ջանքերը և կաշխատենք Հայաստանի բժշկական օգնության, բժշկական կրթություն և գիտահետազոտական ոլորտներում: Մեր նպատակները հիմնականում ուղղված կլինեն միջնաժամկետ և երկարաժամկետ հեռանկարներին: AMADeA-ի հատուկ ծրագրերի շարքում արժե նշել եվրոպական կենտրոններում հայ բժշկական անձնակազմի համար կազմակերպված փոխանակման ծրագրերը և եվրոպական անձնակազմի՝ հայաստանյան հիվանդանոցներ այցելությունները, գիտական հանդիպումների կազմակերպումը, մարզային բժշկական կենտրոններում ենթակառուցվածքների և սարքավորումների բարելավվումը, Հայաստանում բժշկական հետազոտությունների խթանումը: Մենք նախատեսում ենք այս ամբողջ գործունեությունն իրականացնել շատ կազմակերպված և առաջադեմ ձևով ՝ արձագանքելով տեղական կարիքներին և իրավիճակին:Չնայած AMADeA- ն ծնվել է Իսպանիայում՝ մեր նպատակն է հատել բոլոր սահմանները: AMADeA- ն մենք բոլորս ենք, ովքեր հավատում ենք այն գաղափարին, որ Հայաստանի ապագան կայանում է մարդասիրական օգնության կարիքը հաղթահարելու և ժամանակակից, բաց և ինքնաբավ երկիր դառնալու մեջ է:Մենք ուրախ կլինենք բոլոր ցանկացողների հետ կիսել ցանկացած նոր գաղափար:
Աշխատե՛նք միասին»:

Լիլիան Գրիգորյան

«Կարծում եմ, որ Հայաստանն ունի հսկայական մտավոր ներուժ և պայծառ ապագա: Համոզված եմ, որ հայ բժիշկները, իրենց գործնական հմտությունների մակարդակով և տեսական պատրաստվածությամբ չեն զիջում իրենց միջազգային գործընկերներին: Հավատում եմ, որ բոլորս միասին ՝ հայ բժիշկները, բուժքույրեր, առողջապահության կազմակերպիչները, կենսաբաններ և մեր ընկերներն ու գործընկերները ամբողջ աշխարհում, հայ բժշկական համայնքի հետ համատեղ, կկարողանանք ստեղծել ապագա բժշկությունը Հայաստանում՝ ժամանակակից բժշկական կենտրոններով, մատչելի բուժմամբ, բժիշկների համար պատշաճվարձատրությամբ և ուժեղ գիտա հետազոտական բազայով: Իսկ ինչի՞ն եք հավատում դուք: Եթե դուք ապրում եք Իսպանիայում և ցանկանում եք մասնակցել ապագա բժշկությանզարգացմանը Հայաստանում, մենք սպասում ենք ձեզ »:

Աննա Վանեսյան

«Այս դժվար օրերին ավելի քան պարզ է, որ «մեր փրկությունը մեր միասնական ուժի մեջ է»: Ցավոք, բոլորիս հայտնի և անհայտ պատճառներից դրդված՝ մեզանից շատերը գտնվում են արտերկրում։ Այնուամենայնիվ, տվյալ պահին այդ մեր առավելությունն է, որովհետև կարծում եմ, որ համատեղ ջանքերով կարող ենք առավելագույն կերպով խթանել Հայաստանի առողջապահական համակարգի զարգացման գործընթացը, այդ թվում նաև՝ փորձի փոխանակման միջոցով։ Ուստի ես պատրաստ եմ իմ մասնագիտական գիտելիքները կիսել մեր գործընկերների հետ՝ հանուն հայ բնակչության առողջության և անվտանգության»:

Արթուր Եսայան

30 տարի առաջ ճակատագիրն ինձ հայ փախստական դարձրեց, և վերջին պատերազմն ինձ ստիպեց վերապրել և հիշել այդ տարիները:
Որպես հայ և որպես բժիշկ ես մեծ կարիք ունեմ օգնելու մեր հայրենիքին, այդ պատճառով ես AMADeA- ի մի մասն եմ կազմում: Հավատում եմ, որ հանուն հայրենիքի և մասնագիտական խանդավառությամբ միավորված՝ կարող ենք իրականացնել և ստեղծել լավ ծրագրեր, և մեր ուժերի ներածին չափով ներդնել Հայաստանի առողջապահության համակարգը բարելավելու համար:
Հուսով եմ, որ մեր ասոցիացիան արագ կզարգանա, և մեր բոլոր նախագծերն իրականություն կդառնան»

Վիկտորիա Այրյան

«Ես միանում եմ AMADeA- ին` օգնելու իմ երկրին և Հայաստանի իմ գործընկերներին, բարելավել այնտեղի առողջապահությունը և այսպիսով՝ իմ հայրենակիցների առողջությունը:
Ես կցանկանայի, որ տարիների ընթացքում Հայաստանի բժիշկներն ունենան մասնագիտական բժշկական կրթության նույն հնարավորությունները՝ առանց երկիրը լքելու և արտերկրում այլ տարբերակներ որոնելու անհրաժեշտության։ Անկասկած, համատեղ ջանքերով մենք կհասնենք այդ նպատակի իրագործմանը, և Հայաստանի բնակչությունը կունենա ավելի բարձր մակարդակի բուժօգնություն և առողջություն: Մինչ նոր հանդիպում»։

Մարի Սարգսյան

«Ես կազմում եմ AMADeA- ի մի մասը՝ որպեսզի միավորեմ իմ ուժերը փորձառու մասնագետների և նվիրյալ մարդկանց խմբին՝ մեր ներդրումն ունենալու ավելի արդար և արժանապատիվ իրականություն կառուցելու գործում: Ավելի կոնկրետ, որպեսզի պատերազմական ագրեսիայից և համաճարակից տուժած Հայաստանի բնակչությունը զգա մեր ներկայությունն ու իրական ուժը և շարունակի զարգանալ՝ հույսով ու խանդավառությամբ լի»:

Զինա Մանթաշյան

«Ես այս հուզիչ նախագծի մի մասն եմ, քանի որ իսկապես հավատում եմ Հայաստանն ամրապնդելու հնարավորությանը և նրա առողջապահական համակարգի կայունությանը:Մեզ ծանր աշխատանք է սպասվում, բայց վստահ եմ, որ համագործակցությունը Հայաստանի և Սփյուռքի բուժաշխատողների միջև կվերափոխի առողջապահության համակարգը՝ համագործակցության մոդելների և ենթակառուցվածքների, ցանցերի և աշխատանքային խմբերի ստեղծման միջոցով, ինչպես նաև՝ հետազոտությունների կազմակերպման միջոցով, որոնք կօգնեն բարելավել կլինիկական պրակտիկամ։ Ես պատկերացնում եմ մի առողջապահության համակարգ, որը լինի ամբողջական, հավասար և հասանելի, մի համակարգ, որի կենտրոնում կլինեն անհատականությունները, որը մարդուն կքննարկի որպես ամբողջականություն՝ հաշվի առնելով բուժառուի բազմակողմանի կառուցվածքը և կկարողանա պայքարել նրա արժանապատվության և ինքնաբավության համար»։

Նառա Անդրեասյան

«Ես որոշեցի միանալ AMADeA- ին մեծ ցանկությամբ և մեծ ոգևորությամբ `օգնելու և աջակցելու Հայաստանի բժիշկներին և առողջապահական համակարգին, որը ներկայումս դժվար ժամանակներ է ապրում:
AMADeA- ում իմ առաքելությունն է պաշտպանել և համագործակցել Հայաստանի առողջապահության զարգացման և առաջընթացի գործոնթացում՝ գործելով ներդաշնակ, նորարական ոգով և դաշինքներ կառուցելով»

Տաթևիկ Սիմոնյան

«AMADeA- ի շրջանակներում ես կանեմ հնարավոր ամեն ինչ, որպեսզի Հայաստանում մենք կարողանանք ունենալ եվրոպական մակարդակի բժշկություն՝ գերազանց մասնագետներով, ովքեր օժտված են բարձրակարգ գիտելիքներով: Ուստի ես խրախուսում եմ բժշկական ոլորտի բոլոր մասնագետներին և կոչ եմ անում համագործակցել AMADeA- ի հետ ՝ միանալով մեր ասոցիացիային: Մեր ուժը մեր միության մեջ է: Միասին մենք կարող ենք ստեղծել հզոր առողջապահական համակարգ Հայաստանում:»

Արփինե Հովհաննիսյան

Share This