Հայաստանի Բարեկամներ Բժշկական Ասոցիացիա

 

AMADeA- ի առաքելությունն է նպաստել Հայաստանում բժշկության զարգացմանը

   Վերջերս Հայաստանում ստեղծված իրավիճակը ստիպեց մեզ՝ հայկական ծագումով Իսպանիայի քաղաքացիներիս միավորել մեր ուժերը 2020թ․ դեկտեմբերին և ստեղծել Ասոցիացիա, որպեսզի կարողանանք համատեղ ջանքերով նպաստել դրական փոփոխությունների զարգացմանը մեր երկրում։ Քանի որ մեծամասամբ մենք բժիշկներ էինք, որոշեցինք կենտրոնացնել մեր ուժերը և էներգիան մասնագիտական ոլորտում։

   AMADeA- ի առաքելությունն է՝ նպաստել Հայաստանում բժշկության զարգացմանը և դրանով ապագայում Հայաստանը դարձնել ավելի ժամանակակից և բարեկեցիկ երկիր: Մենք հաստատապես կիսում ենք այն տեսլականը, որ միայն կազմակերպված և պլանավորված կերպով գործելով, մեր ընդհանուր նպատակները անձնական շահերից վեր դասելով, մենք կիրագործենք մեր առաքելությանը: AMADeA- ն կզարգացնի իր ծրագրերը առողջապահական համակարգի երեք հիմնարար ոլորտներում` բուժօգնություն, կրթություն և հետազոտություն:

   AMADeA- ի անդամ դառնալը նշանակում է օգնել մեզ աշխատել Հայաստանում մատչելի և որակյալ առողջապահություն կառուցելու ուղղությամբ: Ասոցիացիայի հիմնադիր անդամներից ոչ մեկն աշխատավարձ կամ գումար չի ստանում իր կատարած աշխատանքի համար: Բոլոր ռեսուրսներն օգտագործվում են ասոցիացիայի նպատակների համար: Մենք բժշկական ասոցիացիա ենք, բայց առողջությունը բոլորիս համար է կարևոր է, և բնակչության բժշկական խնամքի բարելավումը մեր գլխավոր խնդիրն է:

դառնալ անդամ

Մեր նորությունները

Վեբինարի նվիրված կրծքագեղձի քաղցկեղի սկրինինգային ախտորոշման մեթոդներին

Հարգելի գործընկերներ, սիրով հրավիրում ենք մասնակցելու AMADeA -ի 2021թ․ առաջին կիսամյակի վերջին վեբինարին՝ նվիրված կրծքագեղձի քաղցկեղի սկրինինգային ախտորոշման մեթոդներին։ Վեբինարը կվարի բժիշկ-մամմոլոգ, վիրաբույժ, բժշկական գիտությունների թեկնածու, Իսպանիայի Բարսելոնա քաղաքի “Կրեու Բլանկա” և “Մոնա Լիզա” կլինիկաների բժշկուհի Աննա Վանեսյանը։ Վեբինարը կկայանա հայերենով, հունիսի 26-ին, Հայաստանի ժամանակով ժամը 19։00-ին։ Գրանցումը՝ AMADeA -ի ֆեյսբուքյան էջում։

Գիտաժողով` «Սիրտ անոթային հիվանդությունները և նրանց բուժման մեթոդները»

Սիրով հրավիրում ենք մասնակցելու AMADeA ասոցիացիայի, “#EternalNation” և “#GatewayIndustryInc” միջազգային կազմակերպությունների, ինչպես նաև ՀՀ Առողջապահության նախարարության (@ministryofhealthcare), Հայաստանի սրտաբանական ասոցիացիայի և Առողջապահության ազգային ինստիտուտի հետ համատեղ կազմակերպված գիտաժողովին` «Սիրտ-անոթային հիվանդությունները և նրանց բուժման եղանակները» թեմայով։ Գիտաժողովը տեղի կունենա Երևանում, սույն տարվա հունիսի 19-20։ Գիտաժողովի շրջանակներում զեկույցներով հանդես կգան անվանի գիտնականներ Եվրոպայից, ԱՄՆ-ից, Ռուսաստանից, Չինասատանից, Հարավ-Աֆրիկյան Հանրապետությունից և այլն։

Առաջին համագործակցային ծրագիր Polyter Evo

«AMADeA»-ն սկսում է իր առաջին համագործակցային ծրագիրը՝ Հայաստանի «Կուրորտաբանության և ֆիզիկական բժշկության գիտահետազոտական ինստիտուտ»-ի և Իսպանիայի առաջատար բժիշկների մասնակցությամբ իրականացվող միջազգային կլինիկական հետազոտության շրջանակներում, որը նվիրված է հոդային վնասվածքների վերականգնման գործընթացին։
«AMADeA» Հայաստանի Ընկերներ Բժշկական Ասոցիացիան Հայաստանի «Կուրորտաբանության և ֆիզիկական բժշկության» գիտահետազոտական ինստիտուտ»-ին կտրամադրրի ասոցիացիայի օժանդակությամբ և Իսպանայի ու Իտալիայի սփյուռքահայ համայնքի ակտիվ մասնակցությամբ ձեռք բերված իտալական EME PHYSIO ընկերության արտադրանք «Polyter Evo» սարքավորումը, որը համարվում է ոլորտի ամենավերջին նորարարություններից մեկը։

Մեր ծրագրերը

Բժշկական օգնություն

  • Իսպանիայի (կամ այլ երկրների) բժիշկների կամավորական աշխատանքներ Հայաստանի հիվանդանոցներում
  • Հայաստանի հիվանդանոցներին բժշկական սարքավորումների տրամադրում, որոնք կնպաստեն տեղական ենթակառուցվածքների զարգացմանը
  • Հայաստանում բժշկական ժամանակակից կենտրոնների ստեղծում
  • Բժշկական զբոսաշրջության խթանում Հայաստանում
  • կրթություն

    • Հայ բժիշկների այցերի և վերապատրաստման կազմակերպում Իսպանիայի բժշկական կենտրոններում, կացության ապահովում

    • Դասընթացների, սեմինարների, համագումարների կազմակերպում Հայաստանում

    • Դրամաշնորհներ բարձրակարգ գիտելիքներով օժտված հայ բժիշկներին՝ միջազգային համագումարներին մասնակցելու համար

    ԳԻՏՈՒԹՅՈՒՆ ԵՒ ՀԵՏԱԶՈՏՈՒԹՅՈՒՆՆԵՐ

    • Հայաստանի բժշկական ոլորտի գիտնականների այցի կազմակերպում Իսպանիայի գիտա-հետազոտական կենտրոններ, կացության ապահովում

    • Խթանել գիտա-հետազոտական ոլորտի զարգացումը Հայաստանում

    • Նպաստել Հայաստանում միջազգային դոկտորական ատենախոսությունների պաշտպանությանը:

    ՆՎԻՐԱԲԵՐԵԼ

    10€

    25€

    50€

    100€

    այլ

    Share This